Agaram

 SPARK 💥 YOGA WISDOM 

அகரம்

ஆரம்பம்.

உயிர் துவக்கம்.

உண்மை ஒலி.

ஆற்றலின் அடி நாதம்.

ஆராய்ந்து பார்த்தால்

படைப்பின் பிரமாண்டம்

பதுங்கி இருக்கும்.

பிரிக்க முடியாத

பகுதி இது.

ஒற்றைச் சொல்

வேர்ச் சொல்

மொழி மரத்தின் விதை.

சப்தத்தின் கமகம்.

சாதிக்கத் தெரிந்தவனுக்கு

மௌன ஆயுதம்.

கடையத் தெரிந்தால்

காட்டாற்றின் வேகம்

சீறிக் கிளம்பும்.

அசையும் அணு.

பரிமாணத்தின்

பரிணாமம்.

மெய்யையும்

மெய்யாக காட்ட

உய்வளிக்கும் உயிரோசை.

வரியில்

வரையாத ஓவியமாகத்

திகழும் காவியம்.

அகரவித்தை

அணுகியவனுக்கு சித்தை

அள்ளி வீசும்.

மொத்த வரியையே

வரைந்து வைத்து

அடையாளப் படுத்தும்

அகரம்.

ஆம்

சுழியனில் ஆரம்பம்.

படைப்பும்

அண்ட பிண்டமும்

அறிய முடியாதவழியில்

வெற்றுநிலை தோரணத்தை

விளக்கப் போட்ட வட்டம்.

கோள் சுழற்சியில்

வான் சுழற்சியும்

மண் சுழற்சியும்

சுற்றிப் போடும்

பொட்டு.

ஆதி அந்த இணைப்பை

முழுமைப் படுத்தும் தோற்றம்.

கரு சுழற்சியில் ஆரம்பித்து

பிறைக் கோட்டில் வளர்ந்து

குறுக்குக் கோட்டில்

வடதென் முனையை இணைத்து

நெடுங்கோட்டில்

கீழ் மேல் நிலையை ஸ்தாபித்து

மொத்த வரைதலும்

இந்த நான்கு நிலையில்

அடக்கம் என்ற

பாடத்தைப் புகட்டி

அறிய வைக்க

அடரிருளில் இருந்து

படர்ந்து வரும்

ஒளிக்கீற்றே

இந்த அகரம்.

மூச்சின் முனை.

போக்கின் துளை.

நினைவின் மனை.

ஓசையின் வளை.

உயிர்ப்பிக்க நிலை.

எட்டின் குறி

சுட்டெழுத்து

சிவன்

குறிலொலி

அன்பு

அகம்

தமிழ்

அடக்கம்

இயக்கம்

அம்மா

என்று

எழுதாத ஓவியமாய்

திரண்டு வரும்

அருந்தமிழின் முதலெழுத்து.

Sithargal Vasiyam

 

#சித்தர்களை_நேரில்_தொடர்புகொள்ளும்_ரகசியம்...

இது 90 நாட்கள் தொடர்பயிற்சி...

===============================

#குறிப்பு:குரு துணை இல்லாமல் செய்ய வேண்டாம்

===============================

#தேவையானவை:

குறைந்தது 10 சதுர அடி கொண்ட ஒரு தனிஅறை

ஒரு குத்துவிளக்கு அல்லது சிறிய தீபம் எரியும் கிண்ணம் அதாவது கிளிஞ்சட்டி

தாமரை நூல் திரி மற்றும் சுத்தமான பசு நெய்(பாக்கெட் நெய் வேண்டாம்).

ஒரு காசி சொம்பு,சுத்தமான நீர்.(வீட்டில் நிறைகுடத்திலிருந்து தினமும் தண்ணீர் முதலில் எடுக்கவும்).

தினமும் சில பழங்கள்.

அமாவாசையன்று ஆரம்பிக்கவும்.

இரவு சரியாக 8 மணிக்கு மந்திர ஜபம் ஆரம்பிக்க வேண்டும்.இரவு 9 மணிக்கு முடித்துவிட வேண்டும்.

அகத்தியர் சித்தர்களின் தலைவர்.நந்தீசர்,திருமூலர்,கொங்கணர்,கோரக்கர்,புலிப்பாணி, காகபுஜீண்டர் என பல ஆயிரம் சித்தர்கள் உள்ளனர்.உங்களுக்கு யாரைப் பிடிக்கின்றதோ அந்த சித்தரை-அவர் உருவம் நமக்கு தெரியாதல்லவா? எனவே அவரது பெயரை நினைத்துக் கொண்டு கீழ்க்காணும் மந்திரத்தை ஒரு மணி நேரம் தொடர்ந்து ஜபித்து வரவேண்டும்.

#ஒம்_சிங்_ரங்_அங்_சிங்

இது தான் சித்தர்களை நேரில் வரவைக்கும் மந்திரம்.ஞானக்கோவை என்ற புத்தகத்தில் இந்த மந்திரம் கூறப்பட்டுள்ளது.

ஜபம் செய்யும் முறை:

அமாவாசையன்று இரவு 8 மணிக்குள் 10 சதுர அடி உள்ள அறையில் ஒரு விரிப்பு அல்லது பலகையை கிழக்கு அல்லது வடக்கு நோக்கி அமைக்கவும்.அதிலிருந்து 8 அடி தூரத்தில் நமது கண்களுக்கு நேராக வருமாறு நெய்தீபம் தாமரைநூலில் எரியவேண்டும்.அந்த தீபத்தின் முன்பக்கம் காசிச்சொம்பில் சுத்தமான நீர் நிரப்ப வேண்டும்.அந்த காசிச்சொம்பின் முன்பக்கமாக பழங்களை நிவேதனமாக வைக்க வேண்டும்.

இரவு 8 மணியானதும் அந்த தீபத்தைப் பார்த்தவாறு நாம் விரும்பும் சித்தர் பெயரை நினைத்துக்கொண்டு மேலேக் கூறிய மந்திரத்தை உதடு அசையாமல் ஒருமணிநேரம் வரை ஜபித்துவரவேண்டும்.இப்படி தினமும் ஒருமணிநேரம் வீதம் 90 நாட்கள் ஜபித்துவர நமது சித்தர் நேரில் வருவார்.அவரை குருவாக ஏற்றுக்கொண்டு நிம்மதியாக வாழவும்.

9 மணியானதும் காசிச்சொம்பில் உள்ள நீரைப்பருகவும்.படையல் செய்த கனிகளைச் சாப்பிடவும்.இரவில் பால்சாதம் சாப்பிடவும்.

இந்த 90 நாட்களில் அசைவம் கண்டிப்பாக தவிர்க்கவும்.உணவில் உப்பு,காரம்,புளி குறைத்துக்கொண்டால் நல்லது.

இந்த முறையால் பல ஆயிரம் மனிதர்கள் பூமியில் சித்தர்களை தரிசித்துள்ளனர்.இன்றும் தரிசித்து வருகின்றனர்.

ஜாதி,மதம்,மொழி கடந்து யாரும் சித்தர்களை தரிசிக்கலாம்.

18 வயதுக்கு மேற்பட்ட யாரும் முயற்சிக்கலாம்.

வாழ்க வளமுடன்! உயர்க சித்தர்கள் அருளால்!!!

குறிப்பு: இந்த முயற்சி,சித்தர் சந்திப்பை ரகசியமாக வைத்துக்கொள்வது அவசியம்.தம்பட்டம் அடிக்கக் கூடாது.

உலகில எந்தப்பகுதியில் இருந்தாலும் ,வாழ்ந்தாலும் அந்தந்தப்பகுதியில் இரவு 8 மணிக்கு ஆரம்பிக்கவேண்டும்.

==========================

Soul and 11 holes

 Aadhi Shiva Guru Spark Yoga 🧘‍♀️ 

அகத்தியர் கர்ம காண்டம்.

இமைமூடி திறப்பதற்குள், சிலருக்கு உயிர் பிரிகிறது. இரண்டு மூன்று வருடம் கிடந்து, சிலருக்கு உயிர் பிரிகிறது. 

இதில், பிரிந்து போகும் உயிர், உடலிலிருந்து எதன் வழியே அதாவது எந்த வாசல் வழியே வெளியேறுகிறது தெரிந்துக்

கொள்வோம்.

ஆண்டி ஆயினும் அரசன் ஆயினும் ஒரு மனித உடலிலிருந்து உயிர் பிரிகையில், ஏதேனும் ஒரு உறுப்பின் மூலமாகவே பிரிகிறது. அப்படி உடலிலிருந்து உயிர் பிரிகின்ற 11 வாசல்கள் குறித்து அகத்திய முனிவர், தன் 'கர்ம காண்டம்' எனும் நூலில், விளக்கியுள்ளார்

அவ்வகையில், உடலில் 11 வாசல்கள் இருக்கின்றன. வாழ்க்கையில் எதுவுமே நிலையானது அல்ல. மனிதர்களின் உயிரும் அப்படித்தான்.

முதல் வாசல், பாவம் மற்றும் பழி செய்தவர்கள் : ஆசனவாய் வழியாகத்தான் உயிர் பிரியும். அவை நேரடியாக நரகத்திற்கு அழைத்துச் செல்லும். அவ்வாறு பிரியும் உயிர்கள், திரும்பி வரவே பல தினங்களாகுமாம். அப்படியே திரும்பினாலும் கூட நல்ல பிறவி கிடைக்காது.

இரண்டாம் வாசல், பாவம் மட்டுமே செய்த நபர்கள் : நீரின் மூலமாக உயிர் பிரிக்கப்பட்டு, அந்த உயிர்கள் அடுத்த ஜென்மத்தில் காமியாக திரியுமாம்.

மூன்றாம் வாசல், பாவத்தை அதிகமாகவும் குறைந்த புண்ணியத்தையும் செய்தவர்கள் : நாவி மூலமாக உயிர் பிரியுமாம். அப்படி பிரியும் உயிர்கள், அடுத்த ஜென்மத்தில் நோய்வாய்ப்பட்ட வராகவும், உடலில் குறைபாடு உள்ளவர்களாகவும் இருந்து, துன்பத்தை அனுபவித்து வாழ்க்கையை கழிப்பார்கள்.

நான்காம் வாசல், பாவம் மற்றும் புண்ணியம் இரண்டையுமே இணையாக செய்தவர்கள் : வாய் மூலமாக உயிர் பிரியும். இவர்கள் அடுத்த ஜென்மத்தில் உணவின் மீது, அதிகப் பற்று கொண்டு, சாப்பாட்டு ராமன் என்று பெயர் எடுப்பார்களாம்.

ஐந்து மற்றும் ஆறாம் வாசல்கள், பாவத்தை அதிகமாக செய்யாதவர்கள் : இவர்களுக்கு இரண்டு நாசிகளின் மூலமாக உயிர்கள் பிரியும். அப்படி பிரியும் உயிர்கள், அடுத்த ஜென்மத்தில் நல்ல வாசனையை விரும்புவார்களாம்.

ஏழு மற்றும் எட்டாம் வாசல்கள், மிகக் குறைந்த அளவே பாவம் செய்தவர்கள் : இடது மற்றும் வலது காதுகளின் மூலமாக உயிர் பிரியுமாம். இவர்கள் அடுத்த ஜென்மத்தில், கேள்வி செல்வம் அதிகமாக பெற்று வாழ்வார்களாம்.

ஒன்பது மற்றும் பத்தாம் வாசல்கள், அதிகமான புண்ணியம் செய்த நபர்கள் : இடது மற்றும் வலது கண்களின் மூலமாக உயிர் பிரியுமாம். அப்படியான உயிர்கள் அடுத்த ஜென்மத்தில் கல்வி, செல்வம் அதிகம் பெற்று, சிறப்புடன் வாழ்வார்கள். இந்த உயிர்கள், பழி பாவத்துக்கு பயந்து வாழ்வார்களாம். கடவுள் பக்தி அதிகமுடையவர்கள்.

பதினோராம் வாசல், சிவனின் வழியில் உள்ள உயிர்கள் : தனக்கு அளிக்கப்பட்ட உடலில் பிராரப்த கர்மங்களை கழிப்பார்கள். பல நாட்களாக யோகா பயிற்சிகள் பழகி, நாடி மூலமாக பிராணனை மேலெழுப்பி, பிரமாந்திர வழியை திறந்து, கபாலத்தின் மூலமாக, ஒளிமயமாக உச்சி வாசல் ஊடாக செல்லும். 

இந்த உயிர்கள் மீண்டும் பிறவிகள் எடுக்காது. அதனால் தான் வாழும் காலத்திலேயே நல்லது செய்து வாழ வேண்டும் என்று கூறப்படுகிறது. இவைகள் முக்காலமும் அறிந்த அகத்தியர் பெருமான் உலக மக்களுக்கு தெளிவாக எடுத்து வைத்துச் சென்றுள்ளார் என்பது ஆச்சரியம்.

அவனியில் யாராயினும், அறநெறி வாழ்வே, ஆகச்சிறந்த வாழ்வாகும். இறைமடி போலாகும்.!

திருச்சிற்றம்பலம்!

Ribu geetha About Mind

Shiva Guru Spark Yoga 🧘‍♀️ 

மனததுவே புத்தியும் சித்தமுமாகும்

மனததுவே அஹங்காரம் அனைத்துமாகும்

மனததுவே சீவனுமாம் அதன் பந்தமுமாகும்

மனததுவே கர்த்தாவும் போக்தாவுமாகும்

மனததுவே சங்கல்பம் அனைத்துமாகும்

மனததுவே சந்தேகங்கள் அனைத்துமாகும்

மனததுவே மலினதிசையில் உலகமுமாகும்

மனததுவே மஹத்தானால் பரப்பிரம்மம் தாமே ஆகும்!

பொருள்:

------------

மனமே நன்மை, தீமைகளைப் பகுத்தறிகின்ற புத்தி சக்தியாகவும், அவ்வாறு பகுத்தறிந்தவைகளை ‘இது, இது இன்னது!’ என்று உறுதிப்படுத்திக் கொண்டு, அவைகளை சேகரித்து வைத்துக்கொள்கின்ற சித்தமாகவும் உள்ளது.

அந்த மனமே அறியாமையினால், நான், எனது என்ற அஹங்கார, மமகாரங்கள் கொண்டு, அனைத்துமாகவும் ஆகின்றது. 

மேலும், மனமே தன்னை சீவன் என்பதாக பாவித்துக்கொண்டு, பந்தங்களையும் ஏற்படுத்திக் கொள்கிறது. 

அதனால், இந்த சூக்ஷுமமான மனம் நானே செயல் செய்கிறேன்!, நானே அனுபவிக்கிறேன்! என தன்னை ஸ்தூல உடலுடன் சம்பந்தப்படுத்திக் கொள்கின்றது.

மேலும், மனமே, எண்ணங்களாக சேகரித்து வைத்துக்கொண்ட சித்தத்தின் பதிவுகளையெல்லாம் நினைவுகளான சங்கல்பமாக மாற்றிக்கொண்டு, அவ்வப்போது அவைகளை வெளிப்படுத்திக் கொள்கின்றது. 

அவ்வாறு வெளிப்படும் எண்ணங்களில் சில சந்தேகங்களையும் எழுப்பிக்கொள்கின்றது. 

ஆக, அந்த மனமே அறியாமை நிலையில், இந்த உலகமாகவும், தன்னையறிந்துக் கொண்ட அறிவில் பரப்பிரம்மமாகவும் ஆகின்றது.

ஓம் சாந்தி! 🙏

Sidhars Sidha Medicine secrets

 Aadhi Shiva Guru Spark Yoga 🧘‍♀️ 

தமிழ் மருத்துவம் என்கின்ற அணுமாற்றம்

---------------------------------------------

சித்த மருத்துவத்தில் மருந்துகள், மருந்துப்

பொருள்கள் விளக்கம்

மருந்து என்னும் சொல்லுக்கு ஒளடதம்

(Medicine), பரிகாரம் (Remedy), அமிர்தம்

(Ambrosia), வசியமருந்து (Pitter), சோறு

(Cooked Rice), இனிமை (Sweetness), குடிநீர்

(Drinking Water) ஆகிய பொருள்கள் உள்ளன.

துன்பத்தை வேருடன் களைந்து பிணி, மூப்பு,

சாக்காடு என்னும் இவற்றை யொழித்து,

உடலில் எக்காலமும் உயிர் நிலைத்திருக்கச்

செய்யும் கருவியே மருந்து எனவும், அது

பயன்படுத்தப்படும் முறையே மருத்துவம்

எனவும் கூறுவர். இதனால் மருத்துவத்தின்

பயனும், சிறப்பும் விளங்கக் காணலாம்.

சித்த மருத்துவத்தில் வாத மருந்து, பித்த

மருந்து, ஐய மருந்து என்னும் பிரிவுகள்

உள்ளன. இம்மருந்துகள் தேவ மருந்து, மனித

மருந்து, இரச மருந்து என்னும் முப்பெரும்

பிரிவுகளாகக் காணப் படுகின்றன.

மருந்து முறை

---------------------------

சித்த மருத்துவ நூல்கள் கூறும் மருந்து

முறைகளில் உடலுக்கு உள்மருந்தாக

அளிக்கப்படும் அக மருந்துகள், உடலுக்கு

வெளிமருந்தாகப் பயன்படும் புற மருந்துகள்,

என இரண்டு வகைகள் குறிப்பிடப் படுகின்றன.

அக மருந்துகள் 32

----------------------------------

1. சுரசம் 12. நெய் 23. பதங்கம்

2. சாறு 13. இரசாயனம் 24. செந்தூரம்

3. குடிநீர் 14. இளகம் 25. நீறு (அ) பற்பம்

4. கற்கம் 15. எண்ணெய் 26. கட்டு

5. உட்களி 16. மாத்திரை 27. உருக்கு

6. அடை 17. கடுகு 28. களங்கு

7. சூரணம் 18. பக்குவம் 29. சுண்ணம்

8. பிட்டு 19. தேனூறல் 30. கற்பம்

9. வடகம் 20. தேநீர் 31. சத்து

10. வெண்ணெய் 21. மெழுகு 32. குளிகை

11. மணப்பாகு

புற மருந்துகள் 32

----------------------------------

1. கட்டுதல் 12. நசியம் 23. பொடி

2. பற்று 13. ஊதல் 24. முறிச்சல்

3. ஒற்றடம் 14. நாசிகாபரணம் 25. கீறல்

4. பூச்சு 15. களிம்பு 26. காரம்

5. வேது 16. சீலை 27. அட்டைவிடல்

6. பொட்டணம் 17. நீர் 28. அறுவை

7. தொக்கணம் 18. வர்த்தி 29. கொம்பு கட்டல்

8. புகை 19. சுட்டிகை 30. உறிஞ்சல்

9. மை 20. சலாகை 31. குருதி வாங்கல்

10. பொடிதிமிர்தல் 21. பசை 32. பீச்சு

11. கலிங்கம் 22. களி

என்பனவாகும்.

மேலே கூறப்பட்ட அகமருந்துகள்32, புற

மருந்துகள்32, ஆக 64 மருந்துகளில்,

அகமருந்துகளுக்குத் தயாரிக்கப்படும்

முறைகளினாலும், புறமருந்துகளுக்குச்

செயல்படுத்தப்படும் முறைகளினாலும்

பெயர்கள் அமைந்திருப்பது குறிப்பிடத்தக்கது.

இம்மருந்துகளின் பெயர்கள் அனைத்தும் தமிழ்ப்

பெயராகவே இருப்பது, தமிழ் மருத்துவத்துக்க

ு உரிய மருந்துகள் என்பதற்கான சான்றுகளாக

இருக்கின்றன.

மருந்து செய்முறைகள்

-----------------------------------------

மருந்துகள் 64–ம் செய்யப்படும் போது

கீழ்க்கண்ட 24 வகையான வினைகளால்

செய்யப்படுகின்றன.

1. கருக்கல் 9. உலர்த்தல் 17. பொசுக்குதல்

2. அரைத்தல் 10. உறைத்தல் 18. நனைத்தல்

3. கசக்கல் 11. குழைத்தல் 19. எரித்தல்

4. கலக்கல் 12. உடைத்தல் 20. வழிக்குதல்

5. வறுத்தல் 13. நறுக்குதல் 21. இறுக்குதல்

6. சுழற்றுதல் 14. உருட்டுதல் 22. இழைத்தல்

7. உருக்குதல் 15. நகத்துதல் 23. குழைத்தல்

8. இறுத்தல் 16. நசுக்குதல் 24. எடுக்குதல்

என்பனவாகும். இவை, மருந்து செய்யும்

வினையாகக் கொள்ளலாம்.

மருந்துகளின் மூலங்கள்

---------------------------------------------

சித்த மருந்துகள் செய்வதற்கு மூலப்

பொருள்களாக அமையும் மருந்துகள்

இம்மருத்துவத்தின் சிறப்பை உணர்த்த

வல்லவையாக இருக்கக் காண்கிறோம். அவை

வருமாறு,

1. உப்பு வகைகள் – 25 4. பாடாணங்கள் – 64

2. உலோகங்கள் – 12 5. மூலிகைகள் – 1008

3. உபரசங்கள் – 120 6. கடை மருந்துகள் – 64

இவை, பல்வேறு முறைகளில் மருந்தின் மூலப்

பொருள்களாக அமைந்து நன்மருந்தாகி

நோயைப் போக்கப் பயன்படுகின்றன.

1293 எண்ணிக்கைகள் கொண்ட

மூலப்பொருள்கள் வேறு எந்த மருத்துவ

முறையிலும் பயன்படுத்தப்படுவதில்லை

எனத் துணிந்து கூறலாம்.

அதே போல், எல்லா மருத்துவ முறைகளிலும்

பொதுவாக 4 வகைகளில் மட்டுமே மருந்துகள்

தயாரிக்கப்படுகின்றன.

ஆனால், சித்த மருத்துவத்தில் 1. உப்பு, 2.

பாடாணம், 3. உபரசம், 4. இரசம், 5. உலோகம்,

6. கந்தகம் என ஆறு முறைகள் பின்பற்றப்

படுகின்றன.

மேலும் கட்டு, செந்தூரம், களங்கு, மெழுகு,

தேன் போன்றவை ஆண்டுகள் பல ஆனாலும்

வீரியம் கெடாமல் இருக்கும் மருந்துகளாகத்

தயாரிக்கப்படுகின்றன.

மற்ற மருத்துவ முறைகளில் இல்லாத

வகையில் பாதரசத்தைப் பயன்படுத்தி மருந்து

தயாரிக்கப்படுவது சித்த மருத்துவ முறையில்

மட்டுமே என்பர். அவ்வாறு பாதரசத்தைப்

பயன்படுத்தி மருந்து செய்யும்

முறைகளாவன,

1. இரசம் செய்முறை 2. இரசக் செந்தூரம்

செய்முறை

3. வீரம் செய்முறை 4. பூரம் செய்முறை

5. அரிதாரம் செய்முறை

இயற்கையில் கிடைக்கக் கூடிய பாடாணங்கள்

32 ஆகும்.

அவற்றைக் கொண்டு, வைப்புமுறை என்னும்

செய்முறைகளால் மேலும் 32 பாடாணங்கள்

சித்தர்களால் செய்யப்பட்ட செயற்கைப்

பாடாணங்கள் என்பது குறிப்பிடத்தக்கது.

மருந்துகளுக்கும் மருந்துகளைச் செய்வதற்கும்

பொருள்கள் அதிக அளவில் பயன்படுத்தப்பட்

டிருக்கின்றன என்பதால், சித்த மருத்துவம்

எல்லா நிலைகளிலிருந்தும் ஆராயப் பெற்றவை

எனக் கொள்ளலாம்.

விலங்குகள், பறவைகள், புழு, பூச்சிகளும்

மருந்தாகப் பயன்படுத்தப்பட்டிருக்கின்றன.

"" வயதென்ன நல்லபாம் பொன்றை வாங்கி

மாளாம லதன்விஷத்தை வாங்கிக் கொண்டு

அயதென்ன சூதமொரு கழஞ்சு கொண்டு

ஆலகால விஷத்தில் ஊற்றிக் கொண்டு.''

நல்ல பாம்பின் விஷத்தை எடுத்து, சூதம் ஒரு

கழஞ்சு அந்த விஷத்துடன் கலந்து,

வாலுகையில் ஒரு நாழிகை எரித்தால் சூதம்

(ரசம்) கட்டும். அச் சூதக்கட்டு குருவாகும்.

அதனால் ஒன்பது வகையான

உலோகங்களையும் உருக்கலாம் என்பர்.

இதனால், மருந்தாகப் பாம்பின் நஞ்சையும்

பயன்படுத்தும் நிலையில் மருத்துவம்

உயர்ந்திருப்பதை உணரலாம்.

அதேபோல, ஆனைத்தந்தம், குதிரைக் குளம்பு,

ஒட்டகப் பிச்சு, கழுதை அமுரி, பன்றிக்குட்டி,

நாய் மூளை, நரி மாமிசம், குரங்கு பிச்சு,

ஓணான் பிச்சு, கெருடன் முட்டை,

செம்போத்து, மயில் நெய், கிளியிறகு,

நாணுவான் முட்டை, சக்கிர வாகம், அன்னம்–

காக்கை முட்டை, கோழிமுட்டை, ஆந்தை–

குயில் முட்டை, காட்டுப் புறா எச்சம், வீட்டுப்

புறா எச்சம், தாரா முட்டை, ஊர்க்குருவி

விந்து, அளுங்கு–உடும்பு நெய், முதலை

நெய் , ஆமை, கல்லாமை, கட் டெறும்பு,

பூனாகம், இந்திர கோபம், கரு நாகப் பாம்பு,

நாகப்பாம்பு போன்றவை மருந்து செய்

பொருளாகப் பயன்படுத்தப்பட்டிருப்பது

குறிப்பிடத்தக்கது.

இத்தனை உயிரினங்களும் மருந்திற்குப்

பயன்படுவன என்று ஆராய்ந்து காண்பதற்கு

எத்தனை ஆண்டுகள் ஆகியிருக்கும் என

எண்ணிப் பார்த்தால், இந்த மருத்துவ முறைகள்

எத்தனை ஆண்டுகள் பழைமை கொண்டவை

என்பது விளங்கும்.

மருந்துகள் சுத்தி முறைகள்

---------------------------------------------

---

சுத்தி என்பது தூய்மைப்படுத்துதல் அல்லது

பொருள்களில் இயற்கையாகவும்,

செயற்கையாகவும் தங்கியிருக்கின்ற

மாசுகளை நீக்குதல், குற்றம் களைதல்

என்பதாகும்.

மூலிகை, மருந்துப் பொருள், உலோகம்,

பாடாணம், இரச வகை ஆகிய அனைத்தையும்

சுத்தி செய்த பின்பே மருந்தாகப் பயன்படுத்த

வேண்டும் என்பது, சித்த மருத்துவ

நெறிகளுள் ஒன்றாகும்.

சுத்தி செய்யப்படாமல் செய்யப்படுகின்ற

மருந்தினால் முழுமையான மருத்துவக்

குணமில்லாமல் போவதுடன், தீமையான

பின்விளைவுகள் ஏற்படும் என்பதால், சுத்தி

முறைகள் வலியுறுத்தப்படுகின்றன.

சுத்தியில்லையேல் சித்தியில்லை என்னும்

மருத்துவப் பழமொழியும் இதனையே

வலியுறுத்துகிறது.

" சுசியா னதுலோகத் தோமகற்ற லென்ன

சுசியா னதுலோகந் துவ்வாய்ச் சுசியா

முளரி யுலகை முயறலின் மாலுத்தி

முளரியுல கையுறு முன்.''

பிரபஞ்சம் என்று சொல்லக் கூடிய இந்த

உலகத்தின் சிறப்பினை வளரச்செய்ய,

இவ்வுலகத்திலுள்ள குற்றங்கள் என்று

சொல்லக் கூடிய உட்பகையை எப்படி நீக்க

வேண்டுமோ அப்படி, மருந்துப்

பொருள்களிடத்திலே தங்கியுள்ள மாசுகளை

நீக்கி ஆண், பெண் ஆகிய இரு பாலார்க்கும்

ஏற்றவாறு வகுத்துரைக்கப்பட்டதே

சுத்திமுறையின் சிறப்புத் தன்மையாகும்

என்று, தேரையர் கூறக் காணலாம்.

இஞ்சிக்கு மேல் தோலும், கடுக்காய்க்குக்

கொட்டையும் மரங்களுக்குச் செதிலும் நஞ்சு

என்பர்.

மருந்துக்குப் பயன்படுத்து முன், அந்நஞ்சு

நீக்கப்பட்டால் சுத்தியாகும்.

குண்டுமணி, அலரிவிதை ஆகியவற்றை

உண்டால் மரணத்தை உடனே வருவிக்கும்.

ஆனால், மருந்துகளில் அவை அரிய பணியைச்

செய்கின்றன. அவற்றைக் கொண்டு

செய்யப்படுகின்ற மருந்தை உண்பவர்

மரணமடைவதில்லை.

காரணம், சுத்தி செய்த பின்னர் மருந்தாகச்

செய்யப்படுவதாலேயாம். பாடாணங்கள்

எல்லாம் உயிரைக் கொல்லும். ஆனால்,

மருந்தாகப் பயன்படுகின்றன என்பதால், சுத்தி

என்பதன் தேவை மருத்துவத்துக்க

ு இன்றியமையாத ஒன்றாகவே இருக்கிறது.

சுத்திப் பொருள்கள்

----------------------------------

உலோகங்கள், பாடாணங்கள்,

நச்சுத்தன்மையுடைய கொட்டை, பருப்பு,

விதை போன்ற பொருள்களைச் சுத்தி

செய்வதற்காக, மூலிகைச் சாறு, கள், நீர், பால்,

மோர், பூநீர், இளநீர், சிறுநீர், சுண்ணாம்பு நீர்,

காடி நீர், எண்ணெய், பழநீர், செம்மண்,

செங்கல்தூள் போன்ற பல பொருள்கள்

பயன்படுத்தப்படுகின்றன.

ஒரு பொருளால் எல்லாவித மருந்துகளையும்

சுத்தி செய்ய முடியாது. பொருள்களின்

குணமும், சுத்திக்காகப் பயன்படுத்தப்

படுகின்ற பொருள்களின் குணமும் கண்டறிந்து,

அவற்றின் சேர்க்கையால் உண்டாகும் எதிர்

விளைவுகளையும் கண்டறிந்தே சுத்தி

செய்யப்படும்.

மருந்துகளைச் சுத்தி செய்யும் முறை

விரிவாகவும் விளக்க மாகவும் சித்தர்கள்

கலைக் களஞ்சியத்தில் விளக்கப்பட்டுள்ளது.

மூலிகைகள்

-----------------------

தாவர இனங்களில் மூலிகைகள் தலை

சிறந்தவை. உலகிலுள்ள உயிரினங்கள்

எல்லாம் தாவரங்களைச் சார்ந்து

வாழ்ந்திருப்பதைப் போல, மருத்துவ முறைகள்

நேர்முகமாகவோ, மறைமுகமாகவோ

மூலிகைகளைச் சார்ந்திருக்கின்றன.

அதிலும் குறிப்பாக சித்த மருத்துவம்

மூலிகைகளையே மூலப் பொருளாகக்

கொண்டுள்ளது.

இயற்கை வழி அமைந்த இலக்கியங்களும்,

மருத்துவமும் இயற்கைப் பொருளான

மூலிகைகளின் குண நலன்களை அறிந்து

அவற்றின் பண்புகளையும், மருத்துவக்

குணங்களையும் தம்முள் சேர்த்துக்

கொண்டுள்ளன.

தமிழ் மருத்துவநூலார் அவற்றின் குணங்களை

அறிந்து அவற்றைப் பயன்படுத்தி வந்தனர்.

மண்ணில் தோன்றிய பல்லாயிரக் கணக்கான

தாவரங்கள் அனைத்தையும் மருத்துவம்

ஏற்றுக் கொள்ளாவிடினும், அறிந்தவற்றைப்

பயன்படுத்தத் தக்கவை என்றுணர்ந்த வற்றை

‘மூலிகை’ எனப் பெயரிட்டுப் பயன்படுத்தி

வருகிறது.

" மூலி யனேக மூவாயிரத்து முன்னூ

ரெனினுங்

காலியின் வேகங் கடற் சூழ்ந் தகில காட்ட

கத்திற்

பாலினம் நீரினம் நீரில்லா வேரினம் படரினமுஞ்

ஜோலிய தாட்டம் வாதத்தின் மூலியுஞ்

சொர்ணமிதே.''

கடல் சூழ்ந்த நில உலகத்திலுள்ள காடுகளில்

பாலினம், நீரினம், வேரினம், படரினம் எனும்

வகைப்படுத்தப் பெற்ற மூலிகைகள் 3300

என்பர்.

இதனால் இத்தனை மூலிகைகளைச் சித்தர்கள்

அறிந்திருந்தனர் எனக் கருதலாம்.

" சொன்னதொரு மூலிகையின் தொகுப்புக்

கேளு

சுளுக்காக நானூற்று யெழுபத்து மூன்று ”

என்று, 473 மூலிகைகளின் பெயர்கள்

பட்டியலிட்டுக் காட்டப் பட்டுள்ளன. இதனால்,

இந்நூலாசிரியர் தொகுத்த மூலிகை 473 எனக்

கொள்ள வேண்டும்.

திருவருட்பா உரைநடைப் பகுதியில், சீந்தில்

தொடங்கி துளசி ஈறாக 485 மூலிகைப்

பெயர்களும், அவற்றின் மருத்துவக்

குணங்களும் குறிப்பிடப்பட்டுள்ளன.

அவை அனைத்தும் மருந்தாகும்

மூலிகைகளாக இருக்கக் காணலாம். அவை,

வடலூர் இராமலிங்க வள்ளலார் அறிந்திருந்த

மூலிகைகள் எனக் கருதலாம்.

இந்தியாவில் சுமார் 2000 வகை மூலிகைத்

தாவரங்கள் உள்ளன. அதில் 500 வகைகள்

நாட்டு மருத்துவத்திலும் 100 வகை ஆங்கில

மருத்துவத்திலும் பயன்படுத்தப்படுகின்றன

என்பர்.

பதினெண் கீழ்க்கணக்கு நூல்களில் ஏலாதி,

திரிகடுகம், சிறுபஞ்சமூலம் என்பவை

மருத்துவ மூலிகையின் தொகுப்பு பெயர்

பெற்று விளங்கக்காணலாம்.

ஏலாதி :

சுக்கு, இலவங்கம், சிறுநாவல் பூ, மிளகு,

திப்பிலி, ஆகிய ஆறு மருந்துப் பொருள்களும்

முறையே 1,2,3,4,5,6 என்ற எடை அடிப்

படையில் கலந்ததற்கு ஏலாதி எனப்பெயர்.

திரிகடுகம் :

சுக்கு, மிளகு, திப்பிலி இம்மூன்றும் சேர்ந்தது

திரிகடுகம் எனப்படும்.

சிறுபஞ்சமூலம் :

கண்டங்கத்திரி, சிறுவழுதுணை, சிறுமல்லி,

பெருமல்லி, நெரிஞ்சில் இவ்வைந்தின் வேர்கள்

சிறுபஞ்ச மூலமெனக் கருதப்பெறும்.

மூலிகை எனக் கொண்ட மரம், செடி, கொடி

ஆகிய அனைத்தையும் சைவத்

திருக்கோயில்கள் (தமிழகத்தில் உள்ளவை

மட்டும்) அனைத்திலும் ‘தல விருட்சம்’ எனும்

பெயரில் ஏதேனும் ஒரு மூலிகைக்

குணங்கொண்ட தாவரத்தைப் பாதுகாக்க

முற்பட்டிருக்கின்றன.

தல விருட்சங்களாக உள்ள தாவரங்களில்

ஒருசில வற்றின் குறிப்புகள்:

---------------------------------------------

---------------------------------------------

-----------------------------

ஏர் இழிஞ்சி :

பொன்னேரி சின்னக் காவணம் சிவன் கோயில்,

இதன் பழம் கீழே விழுந்து மறுபடியும்

கிளையில் சென்று ஒட்டிக் கொள்ளும்.

தில்லை :

தில்லை, நடராசர் திருக்கோயில். இதன் நிழல்

வெய்யிலில் குளிர்ச் சியையும் குளிரில்

வெப்பத்தையும் தரும்.

மாமரம் :

காஞ்சி, ஏகாம்பர நாதர் திருக்கோயில். ஆயிரம்

ஆண்டிற்கும் முற்பட்டது. நான்கு கிளைகள்

ஒவ்வொரு கிளையிலும் ஒவ்வாரு

சுவையுடைய பழங்கள்.

பிறவாப்புளி :

பேரூர் பட்டீஸ்வரர் திருக்கோயில். விதை

எப்போதும் முளைத்ததில்லை.

இறவாப் பனை:

பேரூர் பட்டீஸ்வரர் திருக்கோயில். சாகாவரம்

பெற்ற மரம்.

நாவல் :

பழமுதிர்சோலை. நாவல் மரம் இயல்பாக

ஆவணி மாதம் விநாயகர் சதுர்த்தியின் போது

தான் பழம் பழுக்கும். ஆனால், இங்குள்ள மரம்

மட்டும் கார்த்திகையில் கந்த சஷ்டியின்

போதுதான் பழம் பழுக்கும். (ஒளவையிடம்

கந்தன் சுட்டபழம் வேண்டுமா சுடாத பழம்

வேண்டுமா என்றதும் நினைவிற்

கொள்ளத்தக்கது.)

ஏகமூலிகை :

ஏகமூலிகை என்பது கையான் தகரையைக்

குறிக்கும். முறைப்படி செய்தால் அம்மூலிகை

9 உலோகங்கள், 64 பாடாணங்களையும்

புடமிட்டுப் பற்பமாக்கப்பயன்படும்.

அதனால்தான் அதற்கு அப்பெயர்.

வேலு மூலிகை “பல்லுக் கடுத்த

பலநோயகற்றியரைக் கல்லுக்கு நேராகக்

காட்டுமே’’ வேல் என்னும் மூலிகை பற்களின்

நோய்கள் பலவற்றையும் நீக்குவதுடன்,

பற்களை வலிமையடையச் செய்து கற்களைப்

போல உறுதிப் படுத்தும்.

பூனைக்காலி :

வாத, பித்த, ஐயம் என்னும் இம்மூவகைக்

குற்றங்களால் வரும் நோய்களைப் போக்கும்.

காந்தனள் :

சங்க இலக்கியம் குறிப்பிடும் காந்தளை. அதன்

கிழங்கு ஏர்போல வளைந்து

காணப்படுவதனால் கலப்பைக் கிழங்கு என்றும்

பெயர் பெறும்.

அக்கிழங்கின் மேல்பகுதியும் கீழ்ப் பகுதியும்

பண்பால் வேறுபட்டவை. ஒரு பகுதி இதய

ஓட்டத்தை ஊக்குவிக்கும். மறுபகுதி, எதிராகப்

பணிபுரியும். அதில் அடங்கிய கோகோசின்

என்ற ‘அல்கலாய்ட்’ புற்றுநோய்க்கு நல்ல

மருந்து.

விஷமும் அதில் இருக்கும், மருந்தும் அதில்

இருக்கும்.

அமுதமும் நஞ்சும் ஒரே இடத்து என்னும்

சிறப்பிற்குரியதாகக் கூறப்படுகிறது.

இவ்வாறான சிறப்புகள் மட்டுமல்லாது

மேலும் பல சிறப்புகளைத் தன்னகத்தே

கொண்டிருப்பவை மூலிகைகளாகும்.

“அவுரி, ஓரிலைத் தாமரை, செவ்வல்லி,

பிளியறணை, அமுரி, கோவை, பிடர்முக்கி,

கொடியொளிச் சிகப்பு, செந்திராய், கரிய

சாலை, சிறுகீரை ஆகியவற்றின் சாற்றைத்

தனித்தனியே பாண்டத்தில் வைத்து, வெண்கரு,

குன்றி, சீனம் இவற்றைப் பொடி செய்து,

மேற்கண்ட சாற்றில் போட்டுக் காய்ச்சும்

போது தாரம், இந்துப்பு, மெழுகு, வெண்ணை

சேர்த்து மூடிசீலை செய்து எரித்தெடுத்து,அ

தன் சாம்பலுக்கு எட்டுக்கு ஒன்று ஆவின்

நெய், வெண்காரம், வெல்லம், குன்றி

இவற்றைச் சேர்த்துப் பிசைந்து, பத்துக்கு

ஒன்று குடோரி சேர்த்து மூன்று நாள்

அரைத்து வெய்யலில் காய வைத்து

சரஉலையில் ஊத மூலிகை செம்பாகும்”

என்பதனால், மூலிகையிலிருந்து செம்பு

உருவாகும் என்பதுடன்,

இந்தச் செயற்கைச் செம்பினால்

செய்யப்படுகின்ற மருந்து வீரிய மிக்கதாகவும்

நோயையும், நோயின் மூலத்தையும் அழிக்க

வல்லதாகவும் இருக்கு மென்பர்.

" விழலாகப் போகாமல் கரிசாலை கரந்தை

மிக்கான பொற்றலையும் நீலிவல் லாரை

பழலாகப் பாக்களவு பாலில் கொள்ளு

பாங்கான மண்டலந்தான் உண்டா யானால்

கழலாக காயந்தான் ஆயிரத் தெட்டு

கனகம்போல் சடந்தானும் கனிந்து மின்னும்

மழலாக வார்த்தையது கின்னரத்தின் ஒலியாம்

மகத்தான வாசியுமே இறுகும் பாரே.''

கரிசாலை, கரந்தை, பொற்றலை, நீலி,

வல்லாரை ஆகிய ஐந்து மூலிகைகளைத்

தினமும் பாக்களவு ஒரு மண்டலம் உண்டு

வந்தால், உடல் ஆயிரத்தெட்டு மாற்றுப்

பொன்னாகக் கனிந்து மின்னுவதுடன், குரல்

இனிமையானதாகவும் மூச்சும் இறுகி,

உடலை வளப்படுத்தும் என்பது தெரிகின்றது.

கறுப்பு மூலிகை

மூலிகைகள் இயல்பாக இருக்கும்

நிறத்திலிருந்து மாறுபட்டு கறுப்பு

வண்ணத்தில் அவற்றை வளர்த்து அதைக்

கற்பமுறையில் உண்டால், நீண்ட நாள்

வாழலாம் என்பது சித்தர்களின் கருத்தாக

இருக்கிறது.

“இரண்டாள் மட்டம் குழியில் நிறையச்

சேங்கொட்டையைப் போட்டு மூடி, அதன்மேல்

கரு நெல்லி, கருநொச்சி, கஞ்சா, கொடி வேலி

வைத்து வளர்க்க அவை கருத்து வளரும்.

அவற்றை முறையாக உண்ண கற்பமாகும்.”

“இடுப்பளவு குழியில் சேங்கெட்டை இரண்டு

முழ உயரம் கொட்டி, மண்போட்டு மூடி, நீர்

பாய்ச்சி நன்றாக அழுகச் செய்து மூன்று

திங்களுக்குப் பின், குமரி, ஓமம், கஞ்சா,

வல்லாரை, கரிசாலை, செருப்படி, நீலி, வீழி,

பொற்றலை, நொச்சி, கரந்தை, மத்தை, தும்பை,

கொல்லன் கோவை, வாழை ஆகியவற்றைப்

பதியமிடவும்.

அவை நன்றாக வளர்ந்து காய்ந்த பின்

அவ்விதைகளை முன்போலவே

சேங்கெட்டையிட்டுப் பாத்திக் கட்டி, வளர்த்து

இவ்வாறு நான்கு முறை வளர்த்தால் சிறப்பான

கருப்பு மூலிகையாகும்.

இவ்வகை மூலிகைகைளை மலைதோறும்

சித்தர்கள் வளர்த்துள்ளார்கள். அவ்வகை

இலையைக் கசக்கி, கொக்கின் இறகில் பூச,

அவ்விறகு காக்கை நிறம் போலாகும்.

அவ்விலைகளைத் தின்றால் காய சித்தி

அடைந்து பல்லாண்டு வாழலாம்.

மேற்கண்டவாறு வளர்க்கப் பெற்ற கறுப்பு

மூலிகை களை உண்டு காயசித்தி பெற்ற

சித்தர்கள் வருமாறு:

மச்சமுனி வல்லாரை பலர் குமரி

கமலமுனி கொடுவேலி காலாங்கி ஓமம்

பிரமமுனி செறுப்படை சிவயோகமுனி

இராமதேவர் கரிசாலை

வாசமுனி பொற்றலை பிரமமுனி நீலி

கோரக்கர் கஞ்சா/பொற்றலை கஞ்சமலைச்

சித்தர் வீழி

கொங்கணர் கரிசாலை பதஞ்சலி கரந்தை

சொரூபாநந்தர் திருமேனி நந்தீசர் கோவை

போகர் கொல்லங் கோவை

மேற்கண்டவர்கள் மூலிகைகளை முறைப்படி

உண்டு காயசித்தி பெற்று நீண்ட நாள்

வாழ்ந்திருந்ததாக அறியப்படுவதனால்

மூலிகையின் சிறப்புகள் அறியப்படும்.

மூலிகைகளைப் பற்றிய அறிவு

சித்தர்களிடையே மிகுந்திருந் தற்குச்

சான்றாகக் கீழ்க்கண்ட பாடல் விளங்கக்

காணலாம்.

" போக்கான கிளிமூக்கு மரமொன் றுண்டு

புகழான கிளிபோலக் காயும் காய்க்கும்

வாக்கான இலையதுவும் அரசிலை

போற்காணும்

மைந்தனே இதனுடைய பழத்தை உண்ணு

நோக்கான வழிநடக்கச் சுறுக்காய் ஓடும்

நொடியிலே காயசித்தி கிடைக்கு மப்பா

போக்கான பூ பூத்த மற்றாநாள் பழமாம்''

என்று, கிளிமூக்கு மரம் அதன் காயின்

வடிவத்தால் ஆகுபெயராய் அம்மரத்திற்குப்

பெயர் அமைந்துள்ளது. இலையின் வடிவம்,

பூ பூத்த மறுநாளே பழம் பழுக்கும் என்னும்

அரிய செய்தியுடன், அதன் பழத்தை உண்ட

உடனே காய சித்தி கிடைக்குமென்று

கூறுவதைக் காணும் போது, மூலிகைகளைச்

சித்தர்கள் நுட்பமாக ஆராய்ந்திருந்தத

ை உணரலாம்.

இந்தியா முழுவதும் ஏறக்குறைய 8,000

மூலிகைகள் பல்வேறு மருத்துவப்

பயன்பாடுகளில் பயன்படுத்தப் படுகின்றன.

சித்த மருத்துவம், ஆயுர்வேத மருத்துவம்

போன்ற மருத்துவ முறைகள் ஒவ்வொன்றிலும்,

சராசரியாக 1700 முதல் 1900 மூலிகைகள்

வரை பயன்படுத்தப்படுகின்றன.

இவை தவிரவும், கிராமிய மருத்துவ

முறைகளில் பயன் படுத்தப்படும்

மூலிகைகளின் எண்ணிக்கை அதிகமானதாக

உள்ளதைப் பெங்களூரைத் தலைமையிடமாகக்

கொண்டு செயல்படும் ‘பாரம்பரிய மருத்துவ

மறுமலர்ச்சி’ அறப் பேரவை தகுந்த

ஆதாரங்களுடன் தெரிவித்துள்ளது.

இந்தியா முழுவதும் ஏறக்குறைய 15,000

பூக்கும் வகைத் தாவரச் சிறப்பினங்களில்

பாதியளவு தாவரங்கள் மருத்துவப் பயன்பாடு

உள்ளவை என்பது குறிப்பிடத்தக்கது.

தமிழகத்தைப் பொறுத்த அளவில், ஏறக்குறைய

2000 தாவரங்கள் பல்வேறு மருத்துவ

முறைகளில் பயன்படுத்தப்படுகின்றன.

1. கற்ப மூலிகைகள் (Refuvemating Herbs)

2. ஞான மூலிகைகள் (Spiritual Herbs)

3. இரசவாத மூலிகைகள் (Alchemical Herbs)

4. வசிய மூலிகைகள் (Psychie Herbs)

5. மாந்திரீக மூலிகைகள் (Magic Herbs)

6. வழிபாட்டு மூலிகைகள் (Religious Herbs)

7. பிணி தீர்க்கும் மூலிகைகள் (Therapeutic

Herbs)

8. உடல் தேற்றி மூலிகைகள் (Tonic Herbs)

9. உலோக மூலிகைகள் (Metallogenic Herbs)

10. வர்ம மூலிகைகள் (Chiropratic Herbs)

11. விஷ மூலிகைகள் (Toxic Herbs)

12. நஞ்சை முறிக்கும் மூலிகைகள்

(Antidotes)

13. எலும்பொட்டும் மூலிகைகள் (Bone

Sectors)

14. சதை ஒட்டும் மூலிகைகள் (Muscle Tones)

15. பச்சை குத்தும் மூலிகைகள் (Tattooing

Herbs)

16. காதணி ஓம்பி மூலிகைகள் (Ear Boring

Herbs)

17. பல்பிடுங்கும் மூலிகைகள் (Herbs for

Dental Extraction)

18. கருச்சிதைவு மூலிகைகள் (Abortifacient

Herbs)

என்று மூலிகைகள் வகைப்படுத்தப்பட

்டிருப்பது குறிப்பிடத்தக்கது.

மருந்தியல் - புடமிடுதல்

-------------------------------------------

சித்த மருந்தியல் அணுவை அடிப்படையாகக்

கொண்டது. மருந்துப் பொருள்களில் உள்ள

அணுவை நுண்ணணுவாகவும்’

பரமாணுவாகவும் மாற்றுவது, சித்த

‘மருந்தியல்’ ஆகும்.

ஒரு பொருளிலுள்ள அணுக்களை வேறொரு

பொருளிலுள்ள அணுக்களுடன் இணைத்து,

வேதியல் முறைப்படி புதிய அணுக்களை

உருவாக்கி, அதன் மூலம் நோய்களைக்

களைவது சித்த மருந்தியலின்

அடிப்படையாகும்.

இவ்வாறு, அணுவியல் மாற்றங்களை

உருவாக்க, வெப்பம், தீ, நெருப்பு போன்ற

உலைகளின் மூலம் அணுக்கள் தயாரிக்கப்

படுகின்றன. மருந்துகள் தயாரிக்கப்

பயன்படுகின்ற உலைகள், ‘புடம்’ என்னும்

சொல்லால் குறிப்பிடப்படுகின்றது.

புடம்

---------

மருந்துகள் தயாரிக்கும் போது, அரைத்து,

வேகவைத்து, எரித்து, நுண்ணிய

அணுக்களாகப் பிரிக்கப்புடமிடுவர்.

தீயின் அளவு

-----------------------

புடமிடும் போது, விறகின் மூலம்

எரிக்கப்படும் தீ நான்கு வகைப் படும். அவை,

தீபாக்கினி : விளக்கின் சுடரைப் போல எரிவது.

கமலாக்கினி : தாமரைப் பூப்போல எரிவது.

கதலியாக்கினி: வாழைப் பூப்போல எரிவது.

காடாக்கினி : தீப்பந்தம் போல எரிவது.

புடத்தின் வகை

----------------------------

எரு, வறட்டி இவற்றைக் கொண்டு

எரிக்கப்படும் தீயின் அளவைக் குறிப்பிடுவது

புடத்தின் வகையாகும். வறட்டியின்

எண்ணிக்கைக்குத் தக்கவாறு பெயர்

குறிப்பிடப்படும்.

புடம் ஒன்றுக்கு ஒன்று முதல் ஆயிரம்

வறட்டி வரை பயன்படுத்தப்படும்.

" புடம் போடச் சொல்வேன் பேஷான காடை

நடமாடு விராட்டி நல் ஒன்று திடமாக

கவுதாரி விராட்டி கனமா யெருமூன்று

நவுதாரி சேவல் நலம்பத்துப் பவமாகும்

பண்ணி புடவிராட்டி பதமாக ஐம்பது தான்

எண்ணிக் கனபுடமே எழுநூறாம் பின்னாம்

கசபுடமே விராட்டி கடிபடவே ஆயிரமாம்

தசமாக இப்படியே சாற்றுவீர்''

என்று உரைக்கக் காணலாம்.

காடைபுடம் 1; கவுதாரி 3; சேவல் 10; பன்றி

50; கனம் 700; கெசம் 1000 என்றும், வறட்டி

எண்ணிக்கையைக் கொண்டு புடத்தின் வகை

குறிப்பிடப்படும்.

" புடம்போடுந் திட்டங்கள் பேசக் கேளு

பேரான யெருவொன்று காடை யாகும்

நடம்போடுங் கவுதாரிப் புடமும் நல்ல

நாடியே யெருமூன்று ஞானிக்குத்தான்

விடம்போடு பத்தெருவில் புடமு மாகும்

விராட்டிதான் ஏனத்தின் செயலுக்குத்தான்

கடம்போடு அறைதோறு மழுக்கி நல்ல

களமாகப் போடுவது கணக்கு மாமே

திடமா யெருநூறு கன புடந்தான்

திடமான கெசபுடமும் ஆயிரந்தான்''

என்னும் வாத சூத்திரம், காடை 1; கவுதாரி 3;

ஏனம் 10; கனம் 100; கெசம் 1000 என்னும்

எண்ணிக்கையைத் தருகிறது.

மருந்துகள் ஒவ்வொன்றுக்கும் அவற்றின்

சேர்க்கைக்கும், தயாரிப்புக்கும் ஏற்றவாறு

புடங்களின் வகை இருக்கும்.

மருந்துகள் தயாரிக்கப் பயன்படும் புடங்களின்

பட்டியல் வருமாறு;

---------------------------------------------

---------------------------------------------

-----------------------

வரிசை எண் புடம் பெயர் எரு அல்லது வறட்டி

எண்ணிக்கை

1. காடைப் புடம் 1

2. கவுதாரிப் புடம் 3

3. குக்குடப் புடம் 10 (அ) 8

4. வராக புடம் 50

5. கஜம் (அ) யானை புடம் 500 (அ) 1000

6. கன புடம் 700 (அ) 800

7. மணல் மறைவுப் புடம் 800

8. கோபுடம் 1000

என்னும் செயற்கைப் புட வகையால் மருந்து

தயாரிக்கப்பட்டன.

தீயினால் உண்டாகும் வெப்பத்தைக் கொண்டு

மட்டுமே மருந்து தயாரிக்கப்படுவதில்லை.

இயற்கையாகக் கிடைக்கக் கூடிய வெப்பத்தைக்

கொண்டும் தயாரிக்கப்படும். அவ்வாறு

தயாரிக்கப் பயன்படும் புடங்கள் இயற்கைப்

புடம் எனப்படும்.

அவற்றின் விபரம் வருமாறு:

---------------------------------------------

-----

வரிசை எண் புடம் பெயர் பயன்படும் பொருள்

1. கோபுர புடம் மணல்

2. பாணிடப் புடம் தண்ணீர்

3. உமிப் புடம் உமி

4. தானியப் புடம் நெல்

5. சூரியப் புடம் வெயில்

6. சந்திரப் புடம் நிலவொளி

7. பருவப் புடம் பௌர்ணமி நிலவு

8. இருள் புடம் அமாவாசை இரவு

9. பனிப்புடம் பனி

10. பட்டைப் புடம் மரத்தூள்

11. நிழற்புடம் சூரிய ஒளி படாத அறை

எரி பொருள்கள்

தைலம், எண்ணெய், களிம்பு, குழம்பு போன்ற

மருந்துகள் எரிப்பு முறையால்

தயாரிக்கப்படுபவை. அவை, எரித்தெடுக்கப்

பயன்படும் விறகுகள் பல வகையாகும்.

ஒரே வகையான விறகுகளால் தயாரிக்கப்

படாமல், மருந்தின் குணத்திற்கு ஏற்ற

விறகுகள் பயன்படுத்தப் பட்டிருக்கின்றன.

விறகின் வகையும் அவற்றால் தயாரிக்கப்படும்

மருந்தின் விபரமும் வருமாறு:

வரிசை விறகின் பெயர் தயாரிக்கப்படும்

மருந்தின் பயன்

எண்

1. ஆவாரை உடலில் ஏற்படும் வெப்பு முதலிய

2. சிற்றா முட்டி நோய்களுக்கான தைலம்

3. உசில் கண், காது, மூக்கு, பாதம் ஆகிய

4. இலந்தை இடங்களுக்கு இடும் நெய்,

தைலம்

5. இலுப்பை உடலில் பூசுவதற்காகப் பூசும்

6. புளி பிடித் தைலம்

7. வேம்பு வாத நோய்களுக்குப் பயன்படும்

8. பூவரசு குடிநீர், தைலம்

9. அரசு

10. நுணா

11. வன்னி வாத நோய் தைலம்

12. மாவிலிங்கம்

13. நெல்லி

14. வேம்பு பித்த நோய் தைலம்

15. விளா

16. உசில்

17. வேலன் ஐய நோய் தைலம்

18. கொன்றை

19. வேங்கை

20. பனை

21. தென்னை இரசம் சேர்ந்த மருந்து

22. வேம்பு

23. வேலன் இரும்பு சேர்ந்த மருந்து

24. வேஙகண்ட பட்டியல்களைக் கொண்டு சித்த

மருத்துவ மருந்துகள் தயாரிக்கப்படும்.

Tiruvanamalai dheepam vs Atma Deepam

 Aadhi Shiva Guru Spark Yoga 🧘‍♀️ 

" தி அ மலை  கார்த்திகை  தீபம் - சன்மார்க்க விளக்கம் "

கார்த்திகை நட்சத்திரத்தின் போது இங்கு மலையில் உச்சியில் அகண்ட தீபம் ஏற்றப்படுகிறது

இதன் தாத்பரியம் யாதெனில் ??

அண்ணாமலை = பிரணவ மலை - சுழுமுனை உச்சி

நம் சிரசிலும் அகத்தில் உள்ளது

சுழுமுனை நாடியின் உச்சியில் ஆன்மா ஜோதி பிரகாசிப்பதையே ( கோடி சூரியப்பிரகாஸ்ம் உடையது ஆன்ம ஜோதி ) , புறத்திலே மலையின் உச்சியில் " மகா தீபம் " ஏற்றிக்காண்பித்திருக்கிறார் நம் முன்னோர்

ஆகையால் நாம் புறத்திலே மட்டும் இந்த தீப தரிசனம் செய்துவிட்டு, அகத்திலே செய்யாமல் இருப்பது நம் செயல் அல்ல, அழகல்ல - அகத்திலும் காண்பதே அவன் கடமையாகும்

இதை நிரூபிக்கும் வகையில் கோவில்களில் - " துவஜஸ்தம்பத்தின் உச்சியில் மகா தீபம் " ஏற்றுவர் -

துவஜஸ்தம்பம் = சுழுமுனை நாடி

உச்சி = 36 தத்துவங்கள் கடையாம் நாதத்தின் மேல் - ஆன்மா உள்ளது , அதனால் தீபம் அங்கு ஏற்றப்படுகிறது

ஆன்மா நாத விந்து கலவை ஆகையால் , இன்னாளிலே இதன் கலவையை சொல்லும் பொரி உருண்டை

இறைக்கு நைவேத்தியம் படைத்து உண்பர்

பொரி உருண்டை = வெண்மை + செம்மை

வெண்மை = விந்து

செம்மை = நாதம்

இந்த ரெண்டும் சேர்ந்ததே ஆன்மா

இந்த தத்துவ வெளிப்பாடெல்லாம் சொல்லியாயிற்று - ஆனால் யார் உண்மை தெரிந்து வைத்து உள்ளனர் என்பது தான் கேள்வி ??

எல்லாரும் புற சடங்கையே செய்கிறார் - அகத்தை கோட்டை விட்டார் பெரும்பாலோர்

" அகத்தை பிடித்தால் தான் நாம் உருப்படுவோம் " - இல்லையெனில் அது வரையில் பிறப்பிறப்பு தான்.

Human Body Facts

 Aadhi Shiva Guru Spark Yoga 🧘‍♀️ 

மனித உடல் அமைப்பு#

( *1*)   *பூரண ஆயுள்* என்பது *120 ஆண்டுகள்* ஆரோக்கியமாக வாழ்வது .

( *2*)    ஒரு *தலைமுறை* என்பது *33 ஆண்டுகளைக்*  குறிக்கும் . 

( *3*)    மனித *முகத்தில் 14 எலும்புகள்* உள்ளன . 

( *4*)    மனித மூளையில்  *6 கிராம்* அளவிற்கு *தாமிரம்* உள்ளது . 

( *5*)    ஒரு மனிதனின் உடலிலுள்ள *நரம்புகளின்* மொத்த நீளம்   சுமார் *72 மீட்டர்*. 

( *6*)    நமது *ரத்தம்* ஒரு நாளில் *30 கோடி கி.மீ.*  பயணம் செய்கிறது . 

( *7*)    *நுரையீரல்* ஒரு நாளைக்கு *23,040 முறை சுவாசத்தை* உள்ளெடுத்து வெளியே செலுத்துகிறது . 

( *8*)    நமது *இதயம்* ஒரு நாளில் *1,03,689 முறை துடிக்கிறது*. 

( *9*)    மனிதனின் *நாக்கில் உள்ள* சுவை அறியும் செல்களின் எண்ணிக்கை *மூன்று ஆயிரம்*. 

( *10*)   உடலில் உள்ள *மின்சாரத்தின் அளவு 25 வாட்*. 

( *11*)   ஒரு சராசரி மனிதனின் உடலில் ஓடும் *ரத்தத்தின் அளவு 5 லிட்டர்*. 

( *12*)  *கைரேகை*'யைப் போலவே *நாக்கில் உள்ள வரிகளும்* ஒவ்வொருவருக்கும் வேறுபடும் . 

( *13*)   மனித உடலில் *சதை அழுத்தம் அதிகம்* உள்ள பகுதி *நாக்கு*. 

( *14*)   கண் தானத்தில் *கறுப்பு விழிகள்* மட்டுமே அடுத்தவருக்கு 

பொருத்தப்படுகின்றன .

 .

( *15*)   *900 பென்சில்களைத்* தயாரிக்கும் அளவிற்கு மனித உடலில் *கார்பன் சத்து* இருக்கிறது . 

( *16*)   மனித உடலில் மிகவும் பலமான பகுதி *விரல் நகங்களே* . 

அதில் *கெராடின் சத்து* உள்ளது , 

இது *காண்டாமிருகத்தின் கொம்புகளில்* காணப்படுவதாகும் . 

*மரணத்திற்கு பிறகும் கூட நகம் ஒன்றுமே ஆகாது* . 

( *17*)   *நுரையீரலில்* *3,00,000 மில்லியன் ரத்த நாளங்கள்* உள்ளன . 

இவை அனைத்தும் கோர்க்கப்பட்டால் ,  (அதன் *நீளம் 2,400 கிலோமீட்டராக (1,500 மைல்)* ஆக இருக்கும்  . 

( *18*)   ஒரு ஆணின உடலில் ஒவ்வொரு நாளும் 10 மில்லியன் புதிய விந்து செல்கள் உருவாகின்றன . 

அவர் மட்டுமே ஒரு முழு கிரகத்தின் மக்கள் தொகையை 6 மாதங்களில் நிரப்ப முடியும் . 

( *19*)   மனிதன் *தூங்கிக் கொண்டிருக்கும்* போது , அவருடைய *உயரம் 8 m.m. அதிகரிக்கும்*. 

தூங்கி எழுந்த பிறகு மீண்டும் பழைய உயரமே இருப்பார் . 

இதற்கு காரணம் ..... 

மனிதன் உட்காரும் போது , அல்லது நிற்கும் போது, புவி ஈர்ப்பு விசையின் காரணமாக *எலும்புகளின் மீது ஏற்படும் அழுத்தமாகும்*. 

( *20*)   ஒவ்வொரு *சிறுநீரகமும்* ஒரு *மில்லியன் வடிகட்டிகளை (FILTERS)* கொண்டுள்ளது . 

அவைகள் ஒரு நிமிடத்திற்கு *1.3 லிட்டர் ரத்தத்தை* வடிகட்டுகிறது . 

மேலும் ஒரு நாளில் *1.4 லிட்டர் சிறுநீரை* வெளியேற்றுகிறது . 

( *21*)   மனிதன் தன் வாழ்நாளில் தோராயமாக *50 டன் உணவையும்*, *50,000 லிட்டர் நீர்  ஆகாரத்தையும்* உட்கொள்கிறான் . 

( *22*)   கண்களின் தசையானது ஒரு நாளில் *1 00,000 முறை அசைகிறது*.  

அதற்குச் சமமான வேலையை *உங்கள் கால்களுக்கு* கொடுக்க வேண்டும் என்றால் *தினமும் 80 கிலோமீட்டர் நடக்க* வேண்டும் . 

( *23*)   ஒரு சராசரி மனித உடல் 30 நிமிடங்களில், *அரை கேலன் தண்ணீரைக்* கொதிப்பதற்க்கு தேவையான *வெப்பத்தைக்* கொடுக்கிறது . 

( *24*)   ஒரு பெண்ணின் கருப்பையில் கிட்டத்தட்ட அரை மில்லியன் கரு முட்டை செல்கள் இருந்தாலும் 400 அல்லது சற்று மேற்ப்பட்ட செல்களுக்கு மட்டுமே புதிய உயிரை உருவாக்கும் வாய்ப்பு கிடைக்கும் . 

( *25*)   மனிதனின் ,  ஒரு தனித்த ரத்த அணு ,  மனிதனின் முழு உடலையும் சுற்றி வர *60 வினாடிகள் மட்டுமே* எடுத்துக்கொள்ளும் . 

( *26*)   மனித உடலின் *மிகப்பெரிய செல்*  பெண்ணின் கரு முட்டையாகும் . 

( *27*)   மனித உடலின் *மிகச்சிறிய செல்* ஆணின் விந்தாகும் . 

( *28*)   மனிதன் ஒரு அடி எடுத்து வைக்க *200 தசைகள்* பயன்படுத்தப் படுகின்றன . 

( *29*)   ஒரு *சராசரி பெண்ணின்* உயரம் , ஒரு *சராசரி ஆணின் உயரத்தை விட 5 இஞ்ச் குறைவாகும்*. 

( *30*)   *காலின் பெருவிரல்* இரண்டு எலும்புகளை கொண்டிருக்கும் . 

ஆனால் *மற்ற விரல்கள்*  ஒவ்வொன்றும் *மூன்று எலும்புகளைக்* கொண்டிருக்கும் . 

( *31*)   ஒரு மனிதனின் ஒரு ஜோடி பாதங்களில் *2,50,000 வியர்வை சுரப்பிகள்* உள்ளன . 

( *32*)   மனிதனின் வயிற்றில் உள்ள செரிமான அமிலமானது *துத்தநாக*'த்தையே கரைக்கும் சக்தி கொண்டது . 

( *33*)   ஒரு மனிதன் மூளையில் *பிரிட்டானிகா தகவல் களஞ்சியத்தை போல்* ......  

*ஐந்து மடங்கு* தகவல்களைச்  சேமித்து வைக்க முடியும் . 

( *34*)   மார்பில் முடி இல்லாத ஆண்களுக்கு ,   மார்பில் முடியுள்ள ஆண்களை விட 

*“ CIRRHOSIS "* (ஈரல் நோய்) என்ற நோய் தாக்கும்  வாய்ப்பு அதிகம் . 

( *35*)   பற்களின் எனாமல் தான் *மனித உடலில் உள்ள (கடினமான பொருள்* ஆகும் . 

( *36*)   *கட்டை விரலின்* நீளமும் ,  *மூக்கின் நீளமும்* சமமாகும் . 

( *37*)   *மனித கால்களில்* ஒரு ட்ரில்லியன் வரையிலான *பாக்டீரியாக்கள்* இருக்கும்.

SPARK 💥 TRUST "Working Towards Enlightened, Enriched and Hunger Free Society "

Tirumoolar secrets

 *தன்னை அறிதல் என்றால் என்ன*?

நாம் யார் என்று சிந்திக்க வேண்டும்.

நம் தந்தை தாய் மூலமாகத் தான் பிறந்தோம்.

இந்த மனித உடம்பாகிய , யாரும் கட்ட முடியாத தேகாலயத்தைக் கட்டி முடித்த தேவதச்சன் யார்?

தாயின் கருவறையில் தானே பத்துத் திங்கள் இருந்தோம்.

அப்போ தாய் தான் கட்டியிருப்பாளோ 

 எனில்  நிச்சயமாக அவர்களில்லை.                   

பின் யார்தான் கட்டியது?

தந்தையிடம் இருந்து புறப்பட்ட ஜீவ வித்து, தாயின் கருவறையில் வந்து பாய்ந்தவுடன் தாயின் இரத்தம் மற்றும் இதர சத்திலிருந்து அந்த ஜீவ வித்து ( ஜீவாத்மா)வும், உடன் வந்த பரமாணுவாகிய பரமாத்மாவும்  சேர்ந்துஇந்த அருமையான திருமாளிகையைப் பத்துத் திங்களில் கட்டி முடிக்கிறார்கள்.

நம் தேகாலயத்தைக் கட்டிய பின்னர், பரமாத்மா நம்மைவிட்டு சென்று விடுகிறார்களா?

இல்லை. நம்கூடவே தான் இருக்கிறார்கள்.

அவர் - அந்த ஆதிமூலம் நம்முள்ளே இருப்பதால் தான் நாம் பேசுகிறோம்;பார்க்கிறோம்; நடமாடுகிறோம். 

அவர் தேகாலயத்தின் நடுவீட்டில்- சுழிமுனையில் கோடிசூரியப் பிரகாச ரூபத்தில், ஒரு நூற்றாண்டு காலம் ஒளிர்ந்து கொண்டிருக்கிறார்.

அவர் நம்மிடத்தே இருந்தாலும் நம் அறிவு கொண்டு நம்மால் அவரை அறிந்து கொள்ள முடிய வில்லை.

ஆனால்,அந்தப் பரமாத்மாவே மானிட தேகங் தாங்கி  குருவடிவில் வந்து நம்மீது கருணை கொண்டு தொட்டுக் காட்டி அறிவிக்கும் போதுதான் நம்மிலிருக்கும் பரமாத்மா சொரூபத்தை உணர முடிகிறது.

இந்த பிரம்ம வித்தை செயல் தான் தன்னை யறிதல் ஆகும்.

இந்த பரஞானத்தை உணர்ந்தவன் தேவனாகிறான்.

இந்தத் தேடல் இல்லாமல் உலகியல் சார்ந்த உடலின்ப வாழ்க்கையில் வாழ்பவன் நரன் எனப்படுகிறான்.

தேடல் உள்ளவன் மனிதன் என்ற தகுதிக்கு உரியவனாகிறான்.

" தன்னை அறியத் தனக்கொரு கேடில்லை

தன்னை அறியாமல் தானே கெடுகின்றான்."

                          - *திருமந்திரம்*